Cultura

Al empar que celebramos los III Alcuentros de Langreanos en el Mundo, recueyo l’encargu que’l nuestru presidente y la directiva me ficieron pa que llevare alantre los conteníos d’esta páxina de cultura. Esti encargu recuéyolu agradecíu pola confianza que depositaron en mi y col ánimu de ser merecedor d’ella. Güei, nesta selmana de los Alcuentros, diríxome a 439 llangreanos d’equí y d’allá que con toa ilusión participen y formen parte d’esta gran familia, y quiero dicivos a toos que falar de cultura nun ye solo conocer dafechu cualquiera de les facetes que la conformen (la lliteratura y l’arte en xeneral), porque cultura ye tolo que da carta de naturaleza a un pueblu: les sos tradiciones, la so gastronomía, el so folclor, el so llinguaxe, el so paisaxe urbanu, y en definitiva tolo que tenga que ver colos factores que dan carácter a un pueblu. Por eso digo qu’estes palabres son pa 439 langreanos, y pa munchos más que, de xuru, van dir incorporándose a esti proyectu ilusionante, y non solo p’aquellos que tean rellacionaos cola cultura, sinón pa toos, pa llicenciaos, pa obreros, ames de casa, estudiantes y paraos.

¿Quiénes de los que tais fuera nun tenéis interés poles coses qu’equí ocurren? Y al contrario, ¿a quiénes de los que viven en Llangréu nun-yos interesa lo qu’asocede nun llugar onde viva ún de los nuestros? Convencíu de que nun hai naide qu’amuese un total desinterés por estes entrugues ye polo qu’encaro esti retu cola seguridá de contar con la collaboración de toos, porque hai munches coses que formen la cultura d’un pueblu y con esa ayuda, qu’agora vos pido, de xuru que vamos ser quien a da-y vida y dinamismu a esta páxina qu’a ella fai referencia. Nun tenéis más que dirixivos al e-mail de l’asociación o al de mio.

Prestaríame qu’estes palabres nun s’interpretaren como una presentación de la páxina Web de cultura, sinón como un saludu a toos, como una declaración d’intenciones y, sobre too, como una invitación y una llamada a la participación del colectivu. De toes formes quixera dicivos que, anque se conserven los conteníos qu'hasta agora figuraron na páxina, dióse-y un formatu nuevu al so índiz y tenemos la intención de que pronto garre dinamismu y pueda cambiase a midida que surdan les necesidaes de cambiu. Nun va poder facese ensin la collaboración de toos.

Somos conscientes de lo atrevío del nuestru proyectu pero tamién tamos convencíos de la tolerancia del que nos visite porque vamos ser rigurosos pa cola información y vamos modular el nuestru envís pa buscar ameyorar ensin nenguna llende marcada.

Marcelino M. González
Área de Cultura de "Langreanos en el mundo"


	Cultura Al empar que celebramos los III Alcuentros de Langreanos en el Mundo, recueyo l’encargu que’l nuestru presidente y la directiva me ficieron pa que llevare alantre los conteníos d’esta páxina de cultura. Esti encargu recuéyolu agradecíu pola confianza que depositaron en mi y col ánimu de ser merecedor d’ella. Güei, nesta selmana de los Alcuentros, diríxome a 439 llangreanos d’equí y d’allá que con toa ilusión participen y formen parte d’esta gran familia, y quiero dicivos a toos que falar de cultura nun ye solo conocer dafechu cualquiera de les facetes que la conformen (la lliteratura y l’arte en xeneral), porque cultura ye tolo que da carta de naturaleza a un pueblu: les sos tradiciones, la so gastronomía, el so folclor, el so llinguaxe, el so paisaxe urbanu, y en definitiva tolo que tenga que ver colos factores que dan carácter a un pueblu. Por eso digo qu’estes palabres son pa 439 langreanos, y pa munchos más que, de xuru, van dir incorporándose a esti proyectu ilusionante, y non solo p’aquellos que tean rellacionaos cola cultura, sinón pa toos, pa llicenciaos, pa obreros, ames de casa, estudiantes y paraos. ¿Quiénes de los que tais fuera nun tenéis interés poles coses qu’equí ocurren? Y al contrario, ¿a quiénes de los que viven en Llangréu nun-yos interesa lo qu’asocede nun llugar onde viva ún de los nuestros? Convencíu de que nun hai naide qu’amuese un total desinterés por estes entrugues ye polo qu’encaro esti retu cola seguridá de contar con la collaboración de toos, porque hai munches coses que formen la cultura d’un pueblu y con esa ayuda, qu’agora vos pido, de xuru que vamos ser quien a da-y vida y dinamismu a esta páxina qu’a ella fai referencia. Nun tenéis más que dirixivos al e-mail de l’asociación o al de mio. Prestaríame qu’estes palabres nun s’interpretaren como una presentación de la páxina Web de cultura, sinón como un saludu a toos, como una declaración d’intenciones y, sobre too, como una invitación y una llamada a la participación del colectivu. De toes formes quixera dicivos que, anque se conserven los conteníos qu'hasta agora figuraron na páxina, dióse-y un formatu nuevu al so índiz y tenemos la intención de que pronto garre dinamismu y pueda cambiase a midida que surdan les necesidaes de cambiu. Nun va poder facese ensin la collaboración de toos. Somos conscientes de lo atrevío del nuestru proyectu pero tamién tamos convencíos de la tolerancia del que nos visite porque vamos ser rigurosos pa cola información y vamos modular el nuestru envís pa buscar ameyorar ensin nenguna llende marcada. Marcelino M. González Área de Cultura de "Langreanos en el mundo"