Presentación

   Saludos y afayáivos nesti Área de Deportes de l'Asociación Langreanos en el Mundo, a tolos que tenéis l'amabilidá de visitanos al traviés d'esta páxina web.

    L'Área de Deportes busca ser una plataforma d' información , promoción y espardimientu de teolo que fai referencia al deporte llangreanu, especialmente lo rellacionao col xuegu llimpiu y la deportividá.

    Con esti envís, les sos actuaciones van definise al traviés de diferentes secciones que traten aspectos básicos del deporte llangreanu; esto ye, entidaes, instalaciones y actividaes deportives, amás d'otres facetes dignes de tener en cuenta, como, deportistes y entidaes exemplares, deportistes que rescamplen nos ámbitos nacional ya internacional, vieyes glories deportives y, en fin, toles que se consideren d'interés pa los Llangreanos y Llangreanes nel Mundu, esto ye, la xente que vive en Llangréu o en cualquier otru llugar del mundu.

    Poro, estes secciones tienen, únicamente, un carácter enunciativu, tando previsto incorporar otres que vayan surdiendo nel nuestru caminar, pa lo que, esperamos y agradecemos les aportaciones, propuestes, opiniones y suxerencies de los nuestros llectores.

    D'igual forma, l'Área de Deportes asume como lema pa les sos actuaciones la defensa, promoción y espardimientu de los valores, actitúes y comportamientos ético-deportivos, buscando contribuir a que'l deporte nun se considere un fin en si mesmu, sinón un mediu para forxar persones pa la vida, d'esta forma, tomando les palabres de Don Conrado Durántez Corral, Presidente de l'Academia Olímpica Española, “el deporte tien de valir pal home, pues, en casu contrariu, el deporte nun val pa nada”.

    D'esta forma, empezamos esta xera ilusionante cola esperanza y el compromisu de collaborar a que, na práctica deportiva, predomine'l xuegu llimpiu y los valores deportivos, esto ye, la deportividá, cualidá que define al deporte como “proceder deportivu que s'axusta a les normes de corrección” (R. A. L).

   Pa ello, contamos cola vuestra collaboración. Gracies a toos por ayudanos nel llabor .

Área de Deporte de "Langreanos en el mundo"

Secciones deportives

• Entidaes Deportives
• Instalaciones Deportives en Llangréu
• Actividaes Deportives en Llangréu( en construcción)
• Premios Delfos - Deportistes y Entidaes Deportives Llangreanes
• Deportistes y Entidaes Deportives Llangreanes Exemplares
• Deportistas Llangreanas Destacaos
• Vieyes Glories Deportives Llangreanes
• Hexadecálogu del Deporte: Decálogos del Dep
• Galería de fotografíes del deporte llangreanu ( en construcción)
  
  (seguimos ellaborando secciones)