Actividaes. Premios. Bases

"GALARDONES LANGREANOS EN EL MUNDO"

1. u.- El PREMIU LANGREANOS EN EL MUNDO, va distinguir aquella persona, que teniendo rellación con Llangréu, por nacencia, residencia, oficiu, sentimientu y/o cualesquier otru motivu, destaque nel ámbitu internacional de manera xeneral o, particularmente, nel nacional, o nel so país o llugar de residencia, por rescamplar, bien na so trayectoria personal o profesional, en cualesquier de les disciplines sociales, culturales, científiques, deportives, humanitaries, etc. en que la so autoridá manifiéstese, valorando a quien amás, coles sos acciones, proyecten la imaxe de Llangréu.
2. u.- Les candidatures van poder presentales cualesquier institución, entidá o persona física, per aciu del modelu oficial, dirixíu a l'Asociación Langreanos en el Mundo, y mandales per corréu ordinariu a la casa postal de la entidá o per corréu electrónicu a langreanosenelmundogmail.com. La solicitú tendrá de dir firmada por persona identificable que se responsabilice de la veracidá del so conteníu, pudiendo realizar los miembros del xuráu les indagaciones que consideren amañoses. En casu que la solicitú se mande per e-mail, tendrá d'acompañase por copia de DNI o documentu identificativu.
   El solicitante va apurrir la información necesaria que xustifique l'almisión de la candidatura, d'acuerdu a lo enunciao nel testu d'esta convocatoria. Tamién puen proponer candidatos o candidates los componentes del xuráu, siempre que cumplan col presente Reglamentu.
   Van ser escluyíes aquelles candidatures presentaes por quien solicite’l premiu pa sigo mesmu. Igualmente van quedar descalificaos aquellos candidatos que personalmente, o al traviés de terceres persones, traten d'influyir en cualesquier de los miembros del xuráu o de la xunta directiva de Langreanos en el Mundo.
3. u.- El plazu pa presentar les candidatures va rematar el 31 de xineru de 2009, sacante pa los miembros del Xuráu, que van poder facelo hasta siete díes antes de la fecha prevista pal fallu’l premiu.
4. u.- Toles persones que formen parte’l Xuráu van ser convidaes pola Asociación Langreanos en el Mundo, que va tar representada nel mesmu, a lo más, por dos componentes de la so Xunta Directiva, y van integrar personalidaes, nun númberu non inferior a nueve, cuntando en primer términu cola máxima autoridá del Conceyu o persona na que delegue y un representante de Langrehotel.
   Va cuntar esti Xuráu con un Presidente escoyíu d’ente los sos miembros que va dirixir los alderiques y les votaciones que se produzan, apoyáu por un secretariu, nomáu pola Asociación Langreanos en el Mundo, con voz y ensin votu, que va llevantar acta de les sesiones y va interpretar el presente reglamentu.
5. u.-La xunta’l Xuráu, que va conceder el presente galardón, va tener llugar demientres el primer cuatrimestre del añu. Los miembros del xuráu van recibir la documentación, pa la so valoración, con antelación a la fecha marcada pa la mentada xunta.
6. u.- El sistema votación pa conceder el premiu van decidilo los miembros del xuráu, a propuesta del presidente del mesmu y, va tener de promover hasta'l final, la elección socesiva de los candidatos preferíos pola mayoría’l xuráu. Con esi envís, el votu tendrá de ser emitíu personalmente per caún de los miembros demientres la sesión na que tea formalmente aconceyáu. En caúna les votaciones que se celebren, namás van poder participar aquellos que tuvieren presentes nel alderique que la precediere.
   El premiu va concedese a la candidatura que llogre la mayoría votos del Xuráu. Nel supuestu casu d'empate va decidir el votu calidá del Presidente.
7. u.- El Premiu Langreanos en el Mundo, que nun va poder ser compartíu, nin concedíu a títulu póstumu, consiste na reproducción de la figura artística Torna de Miguel Ángel Lombardía.
8. u.- Les candidatures que se reciban y que, a xuiciu de l'Asociación Langreanos en el Mundo o del Xuráu, nun axunten los requisitos establecíos nesti reglamentu, nun van ser almitíes. En cualquier casu, la documentación presentada nun va ser devuelta nin va tenese correspondencia sobre la mesma.
u.- El Xuráu va poder tomar la decisión de nun conceder el premiu si, al so xuiciu, les candidatures presentaes nun algamen el nivel mínimu de calidá y prestixu pa da-yos el premiu o nenguna nun cumple colo establecío na lletra y espíritu del presente reglamentu.
10. u.- El galardonáu va recoyer el premiu nel actu d'entrega que s'entame pa ello, del que va informar l'Asociación Langreanos en el Mundo, y que va procurar facer coincidir colos actos programaos pa los Alcuentros Añales, qu'esta entidá entama, probablemente nos meses de branu, en conceyu Llangréu.

"GALARDONES –SOLIDARIDÁ"

La DISTINCIÓN SOLIDARIA LANGREANOS EN EL MUNDO va premiar a una persona, mayor d'edá, que viviendo fuera d'España y que tenga rellación con Llangréu, por nacencia o por tener ascendientes llangreanos, nun pudiera visitar el conceyu nos últimos años, porque la so situación personal y/o familiar-y lo impidiera.

Pa conceder la Distinción Solidaria, va cuntar con un comité de valoración, del que van formar parte, amás de la máxima autoridá del conceyu o persona na qu’esta delegue, representantes de Langrehotel y de Langreanos en el Mundo. Si lo considera amañoso, esta Asociación, va poder convidar a formar parte d'esti comité de valoración a otres persones cualificaes.

La xunta’l comité de valoración que va conceder la presente distinción, va tener llugar demientres el primer cuatrimestre de cada añu. Col envís de conceder esta distinción en base a lo indicao nestes normes, l'Asociación va poder pescanciar información al traviés de diferentes medios, como:

• Les Embaxaes españoles.
• Les Asociaciones o Comunidaes d'Asturianes.
• Los organismos oficiales d'emigración.
• La web de Langreanos en el Mundo.
• Cualesquier otra forma que l'Asociación Langreanos en el Mundo considere afayadiza.

• certificáu médicu qu'acredite que la persona ta en condiciones de viaxar,
• documentu acreditativu de la condición d'asturianu y orixe llangreanu,
• pasaporte a valir, etc

La DISTINCIÓN SOLIDARIA Langreanos en el Mundo, nun va poder ser compartida, nin dase a títulu póstumu. Consiste nun Diploma acreditativu y, la organización y pagu del treslláu de la persona gallardonada, dende'l so llugar de residencia a Llangréu (y regresu), según la estancia d'una selmana nel conceyu, nes instalaciones de LangrehOtel. Les feches nes que'l gallardonáu va realizar el viaxe, van ser les indicaes pola entidá convocante d'estos premios, buscando facelo coincidir, preferiblemente, colos actos que se programen pa la entrega de los Gallardones Langreanos en el Mundo.

Pa ser beneficiariu d'esta distinción, la persona tien de valise por si mesma, tener tola so documentación (y al so cargu) en regla, nun tener nenguna torga llegal o de cualesquier otru tipu que-y impida viaxar a España, nun carecer enfermedá infecto-contaxosa y aceptar que Langreanos en el Mundo, faiga cuantes comprobaciones considere necesaries p'asegurar el cumplimientu y oxetivu de les presentes normes.

El premiu va quedar ermu por fallecimientu del premiáu nel periodu que medie ente'l fallu del xuráu y la fecha d'entrega, pasando la dotación económica a atropar la del añu siguiente. En nenguna circunstancia va apurrise’l valor total del premiu, o parte del mesmu, en metálicu.

La persona premiada cola Distinción Solidaria nun va poder optar a la mesma nes convocatories socesives que se faigan.

L'Asociación Langreanos en el Mundo acútase'l drechu a revocar la distinción en casu d’ocultamientu o falsedá de datos o documentos, incumplimientu y/o cambiu total o parcial de les condiciones y/o situación de la persona, nes que se concedió esti galardón.

El gallardonáu comprométese a aceptar les presentes normes.